HiHi 大家好,
我係小兔Meow Bee, 簡稱MB (hehe). 話說小兔過去幾年辛勤工作, 儲埋儲埋唔少......假期, 足足有兩大個月, 年頭突然接到聖旨要喺今年上半年內清晒所有大假!!!!!
以下係小兔原本的計劃:
1. 物色一份長工, 如果做落適合的話, 就乾脆轉工跳糟; or
2. 嘗試從來冇做過的工種(例如: Sales, 收銀, 冒險樂園), 做兼職; or
3. 做補習或者政府合約工; or
4. 總之係揾錢而唔係洗錢的事XD
係咪好變態呢~~~放假都諗住去打工!!!!! 冇計啦, 小兔乃一介草民, 身無分文, 唯有日做夜做揾錢糊口啦.....
但係世事真係好搞嘢, 往往就係你死話唔會做嘅嘢, 最後就一定會做咗!!!!! 例如你話死都唔會入嗰間學校, 結果入咗; 死都唔會做嗰行, 結果做咗; 死都唔會去嗰度, 結果去咗; 死都唔會鍾意嗰個人, 結果鍾意咗; 死都唔會嫁嗰個人, 結果嫁咗.....唔知你哋有冇身同感受呢? hehe
最後, 唔知點解轉晒軚(加上個個(包括小兔)都覺得放假走去打工, 前世未辛苦過咩), 結果決定咗嗰兩個月.....唔去揾錢, 反而去倒水, wakaka.....
其實小兔由細到大都有個心願, 就係死前一定要去某個國家!!!!! 你知啦, 小學雞時的情意結係會跟你一世的~~~~~
所以小兔就諗, 雖然自己平時都成日要飛, 但係小兔唔係鐘錶界嘅代表, 跟本唔會有機會去嗰個國家工幹. 咁姐係話點都要自己俾錢去啦. 如果係咁, 就不如趁今次放咁長假, 而且仲行得走得, 個國家又仲喺度(你知啦, 而家呢個世界, 隨時可以唔見咁d國家(例如:沉咗), 或者個國家喺度但去唔到/最好唔好去(例如: 破咗產或打緊仗炸冧晒), 同埋第時唔知仲有冇機會可以咁樣去流浪(呢個世代, 今日唔知聽日事, 隨時聽日就瓜咗), 所以就把心一橫, 豁晒(d錢)出去, 去鋪"傑"的!!!!!
於是, 小兔就四月頭開始plan呢個長達一個月的流浪歲月~~~~~
至於小兔點解開呢個網誌, 係因為各方好友都話我知小兔於流浪期間每日於面書的status update好緊張刺激, 繪影繪聲, 雖然冇相睇, 但都搞到佢哋日日都會追劇集咁追!!!!!有個朋友仔仲話小兔可以轉做Travel Journalist添呀^O^
小兔嗰時每日將流浪嘅所見所聞同經歷update上面書, 其實唔係特登喺度晒命咁話俾全世界聽小兔去嘆世界(因為事實上係刻苦鍛鍊嘅電波之旅! 點解? 之後就知喇), 而係想記低小兔某年某月某日做過d咁瘋狂嘅事, 同埋當時嘅感覺, 就好似寫日記咁, 等自己若干年之後睇番~
因為面書可能突然毫無徵兆咁洗晒你d嘢, 所以就諗住開個網誌, 將嗰時流浪嘅點滴集合起黎, upload埋d相, 咁就傳神好多啦^.^
